2025 թվականից հիփոթեքային վարկի գծով եկամտային հարկի վերադարձի ծրագիրը Երևանում դադարեցվում է։ Դա ստիպեց, որ բոլոր նրանք, ովքեր ցանկանում էին օգտվել այս ծրագրից և մայրաքաղաքում գույք ձեռք բերել, շտապեն դա անել մինչև այս տարեվերջ։

Շուկայի փորձագետների գնահատմամբ՝ եկող տարի Երևանում բնակարան գնելը գնորդի տեսանկյունից բավականին թանկ է լինելու։ Առաջնային շուկայի նկատմամբ պահանաջարկը կնվազի, իսկ երկրորդային շուկայի հիփոթեքային տոկոսադրույքները բարձր են։ «Silver REA» անշարժ գույքի գործակալության տնօրեն Անդրանիկ Հարությունովը և «RED Invest Group»-ի համահիմնադիր Արսեն Ավետիսյանը պատմում են շուկայի վերջին միտումների և սպասվող փոփոխությունների մասին։