Երեկ երեկոյան` ժամը 23.20-ին, ոստիկանության ծառայողները Երևանի Աբելյան փողոցում գտնվող կոշիկի նորոգման կրպակից բերման են ենթարկել 1976 թ. ծնված Վրեժ Ս.-ին և 1962 թ. ծնված Հայկ Ջ.-ին:

Նշված կրպակից հայտնաբերվել են տարբեր տարաներ՝ թմրամիջոցի նմանվող հեղուկներով, ներարկիչներ, «Դիմեդրոլ»-ի դեղահաբ և բամբակյա խծուծներ:

Հայտնաբերվածն ուղարկվել է փորձաքննության: Ոստիկանությունը հայտնում է, որ կատարվում է հետաքննություն: