Օգոստոսի 1-ին` ժամը 23.45-ին, հիվանդանոցից ոստիկանության Մալաթիայի բաժնում հաղորդում է ստացվել, որ մարմնական վնասվածքներով իրենց մոտ բուժօգնության է դիմել 17-ամյա մի տղա, որը, ըստ բժշկի տեղեկանքի, ի վիճակի չի եղել հաղորդում տալու:

 

Ձեռնարկված միջոցառումների շնորհիվ պարզվել է, որ նա վնասվածքը ստացել է Հրազդանի կիրճում գտնվող  ռեստորանային համալիրներից մեկում, վիճաբանության ժամանակ վայր ընկնելու հետևանքով:

 

Օգոստոսի 2-ին` ժամը 00.10-ին, ոստիկանության Մալաթիայի բաժնի ծառայողները, վիճաբանելու կասկածանքով,  ռեստորանային համալիրի մոտից բերման են ենթարկել համալիրի մենեջերին,  բարմենին և բաժին են ներկայացրել 15 և 16 տարեկան երկու տղաների:

 

Ոստիկանությունը հայտնում է, որ հանգամանքները պարզվում են: Նշանակվել է դատաբժշկական փորձաքննություն և կատարվում է հետաքննություն: