Հակակոռուպցիոն դատարանը 2024 թվականի դեկտեմբերի 25-ին վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:

Գլխավոր դատախազությունը հաղորդում է, որ Ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Տավուշի մարզի Բերդ համայնքի նախկին ղեկավար Հարություն Մանուչարյանից և նրան փոխկապակցված անձանցից հօգուտ Հայաստանի Հանրապետության բռնագանձել՝

• 2 անշարժ գույք՝ Տավուշի մարզում.  
• 1 գույքի շուկայական արժեք.  
• 1 չմարված ավանդի գումար.  
• 1 գույքի վարձակալության վճարները՝ մինչև վճռի փաստացի կատարումը.
• 26 միլիոն 844 հազար դրամ՝ որպես ապօրինի եկամուտների և միջոցների մնացորդ.
• 42 միլիոն 279 հազար դրամ, որը 2009-2022 թվականների ընթացքում չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել:

Հիշեցնենք, որ Հարություն Մանուչարյանի և որդու նկատմամբ իրականացվում է նաև քրեական հետապնդում։

Լուսանկարում՝ Հարություն Մանուչարյանը/©Hetq