Եվրոպայի խորհրդի խորհրդարանական վեհաժողովը (ԵԽԽՎ) այսօր՝ հունվարի 28-ին Վահե Գրիգորյանին ընտրեց Մարդու իրավունքների եվրոպական դատարանի (ՄԻԵԴ) դատավոր՝ Հայաստանի ներկայացուցիչ։

«Վահե Գրիգորյանը, ստանալով քվեարկության մեծամասնությունը, ընտրվեց Մարդու իրավունքների եվրոպական դատարանի դատավոր՝ 9 տարվա պաշտոնավարման ժամկետով, որը կսկսվի ոչ ուշ, քան նրա ընտրությունից երեք ամիս հետո։ Դատավորները ԵԽԽՎ-ի կողմից ընտրվում են յուրաքանչյուր պետության կողմից ներկայացված երեք թեկնածուներից, որը վավերացրել է Մարդու իրավունքների եվրոպական կոնվենցիան»,- ասված է ԵԽԽՎ հաղորդագրության մեջ։

Հիշեցնենք, որ ՄԻԵԴ-ում Հայաստանի դատավոր Արմեն Հարությունյանի պաշտոնավարման ժամկետը լրացել էր 2024-ի սեպտեմբերի 30-ին։