Եվրամիության երկրների դեսպանները ժամեր առաջ Բրյուսելում հավանություն են տվել Հայաստանում ԵՄ քաղաքացիական առաքելության մասին որոշմանը, որով եվրոպացի դիտորդները կմնան Հայաստանի սահմանամերձ շրջաններում ևս երկու տարի՝ մինչև 2027 թվականի փետրվարի 19-ը։ 

Դիտորդների մանդատը, կազմն ու թվաքանակը կմնա անփոփոխ՝ 165 միջազգային ու 44 հայաստանցի: 

Այս մասին հայտնել է «Ազատության» Եվրոպայի հարցերով խմբագիր Ռիկարդ Յոզվյակին։ 

Որոշումը առաջիկայում պետք է հաստատվի նաև ԵՄ անդամ երկրների արտգործնախարարների կողմից, ինչը, ըստ սկզբնաղբյուրի, «ֆորմալ բնույթ է կրում, քանի որ այդ երկրների դեսպաններն այսօր արտահայտել են իրենց կառավարությունների տեսակետը՝ կողմ քվեարկելով նախագծին»:

Գլխավոր լուսանկարը՝ www.eeas.europa.eu