Տեսանյութեր
Լուսանկարներ
Օդն աղտոտող կայանքի գործունեությունը կասեցվել է. ԲԸՏՄ
Բնապահպանության և ընդերքի տեսչական մարմինը հաղորդում է, որ վերահսկողական աշխատանքներ են իրականացվել Լոռու մարզի Միխայելովկա համայնքում գործող «Ճանապարհ» ՍՊԸ-ում ու արձանագրել մի շարք խախտումներ։
Մասնավորապես՝
- Բազալտի խճի վերամշակման համար նախատեսված ջարդիչ տեսակավորման կայանքը գործել է առանց անշարժ աղբյուրներից վնասակար նյութեր մթնոլորտային օդ արտանետման թույլտվության,
- Ասֆալտբետոնի արտադրամասի գազի վառարանների շահագործումը նույնպես կազմակերպվել է առանց համապատասխան թույլտվության։
- Տեսչական մարմնի Կոտայքի տարածքային բաժնի պետի որոշումներով կասեցվել են ջարդիչ տեսակավորման կայանքի և գազի վառարանների ապօրինի շահագործումը։
- Նշանակվել են վարչական տուգանքներ, ներկայացվել է 4 մլն դրամը գերազանցող վնասի փոխհատուցման պահանջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել