Հաշվի առնելով 2 օր առաջ «Մաքրավան-Աբովյան» ջրատարի վթարը՝ «Վեոլիա Ջուր» ընկերությունը Աբովյան քաղաքում ջրամատակարարման հետ կապված մեծ խնդիրներից խուսափելու համար գործարկել է լրացուցիչ պոմպեր: Ընկերությունը հայտնում է, որ չնայած դրան՝ ջրաքանակը բավարար չէ քաղաքում ժամանակացույցի պահպանման համար:

«Ստեղծված իրավիճակով պայմանավորված՝ ընկերությունը ստիպված է Աբովյանում իրականացնել ջրամատակարարման գրաֆիկի որոշակի փոփոխություններ: Ըստ այդմ՝ տեղեկացնում ենք, որ մարտի 13-ից մինչև վթարի վերացումը Աբովյանում ջրամատակարարումը կիրականացվի ժամը 7։00-12։00-ն և 18։00-23։00-ն: 

Աշխատանքների ավարտի մասին կտեղեկացնենք լրացուցիչ»,- ասված է հաղորդագրության մեջ։