Մարտի 30-ին՝ ժամը 12։00-ի դրությամբ, ՆԳՆ ոստիկանությունում ՏԻՄ ընտրությունների ընթացքում ենթադրյալ իրավախախտումների վերաբերյալ ստացվել է 2 ահազանգ, որոնք ստուգման փուլում են։ Ստուգվում են նաև մամուլում և սոցիալական հարթակներում ընտրությունների վերաբերյալ հրապարակումները։
Արդյունքներով կտրվի լրացուցիչ տեղեկատվություն։ Այս մասին հաղորդում է ՆԳՆ մամուլի ծառայությունը։

ՆԳՆ միգրացիայի և քաղաքացիության ծառայության կողմից կատարված աշխատանքների մասին․

ընտրողների լրացուցիչ ցուցակներում ընգրկվելու մասին դիմում ներկայացրել և տեղեկանք է ստացել 14 անձ, որոնցից՝

• Գյումրի համայնքում՝ 7 քաղաքացի,
• Փարաքար համայնքում՝ 7 քաղաքացի։

Ընտրություններին մասնակցելու համար ժամանակավորապես տրվող անձը հաստատող փաստաթուղ (ձև 9) ստացել է 5 անձ, որոնցից՝

• Գյումրի համայնքում՝ 3 քաղաքացի,
• Փարաքար համայնքում՝ 2 քաղաքացի: 

ՆԳՆ թեժ գծին ընտրությունների վերաբերյալ հեռախոսազանգեր չեն ստացվել։
ՆԳՆ միգրացիայի և քաղաքացիության ծառայությունում գործող «Զանգերի կենտրոնում» ընտրությունների կազմակերպման և անցկացման վերաբերյալ զանգեր չեն ստացվել։