Քաղաքացիական հագուստով անհայտ անձինք առևանգել են «Մեր քաղաքը» դաշինքի ավագանու անդամության թեկնածուին։ Այս մասին հաղորդագրություն է տարածել Գյումրու ավագանու արտահերթ ընտրություններին մասնակցող «Մեր քաղաքը» դաշինքը, որի նախընտրական ցուցակը գլխավորում է Մարտուն Գրիգորյանը։

«Քաղաքացիական հագուստով անհայտ անձինք բռնի ուժով առևանգել են մեր ավագանու անդամության թեկնածու Անահիտ Խալաթյանին։ Ըստ ականատեսների՝ նրա հետ եղել է ևս մի կին։ Այս պահին չենք տիրապետում որևէ տեղեկատվության։ Դիմում ենք իրավապահ մարմիններին»,- ասված է հաղորդագրության մեջ։