Պաշտպանության նախարարությունը «Համազգեստով քաղաքացի» բջջային-հեռախոսային հավելված է նվեր ստացել։ Այն մշակվել է Երևանում Եվրոպայի խորհրդի գրասենյակի պատվերով՝ «Մարդու իրավունքների խթանումը Հայաստանի զինված ուժերում» ծրագրի շրջանակներում։

Երևանում Եվրոպայի խորհրդի գրասենյակի ղեկավարը Պաշտպանության նախարարությանը և Մարդու իրավունքների պաշտպանի աշխատակազմին առաջարկում է այն օգտագործել։ Հավելվածի նպատակը զորակոչի ենթակա քաղաքացիների և զինծառայողների շրջանում մարդու իրավունքների պաշտպանությունը, նրանց իրավունքների և պարտականությունների վերաբերյալ տեղեկատվական գործընթացը խթանելն է: 

Հավելվածի կառավարման հարթակը նույնպես կտրվի Պաշտպանության նախարարությանը։ Դրա շրջանակում հավելվածից կօգտվի նաև ՀՀ մարդու իրավունքների պաշտպանի աշխատակազմը: