Վճարովի բովանդակություն

Հաճախորդների սպասարկման գործընթացն էլ ավելի հարմարավետ կազմակերպելու համար Յունիբանկի «Թիվ 47» երևանյան մասնաճյուղը վերաբացվեց՝ նոր ու ժամանակակից դիզայնով: Մասնաճյուղը մասնագիտանալու է բիզնես հաճախորդների սպասարկման ուղղությամբ:

Հասցեն՝ Երևան, Քրիստափորի 4/13 և 2/8: «Մենք գիտենք, թե բիզնես հաճախորդների համար որքան կարևոր է արագ սպասարկումը և անհատական մոտեցումը: Այդ իսկ պատճառով մենք փոխել ենք սպասարկման կոնցեպտը և արդեն իսկ ունենք 6 բիզնես մասնաճյուղեր՝ հատուկ իրավաբանական անձանց և անհատ ձեռնարկատերերի համար:

Մասնագիտացված մասնաճյուղերում բիզնես հաճախորդների համար ստեղծված են բոլոր անհրաժեշտ պայմաններն արագ և պրոֆեսիոնալ սպասարկում ապահովելու համար»,- նշեց Յունիբանկի Վարչության նախագահի առաջին տեղակալ, Կորպորատիվ բիզնեսի զարգացման և վաճառքների տնօրեն Դավիթ Պետրոսյանը:

Յունիբանկում բիզնես հաճախորդը ստանում է ծառայությունների լայն փաթեթ իր բոլոր ֆինանսական կարիքները բավարարելու համար: Առանձնահատուկ պահանջարկ են վայելում պարզեցված ընթացակարգով վարկավորումը, ինչպես նաև էքսպրես վարկավորումը, որը հնարավորություն է տալիս ստանալ ֆինանսական միջոցներ առանց գրավի և երաշխավորների։

Վարկի նախահաստատումը կատարվում է 5 րոպեում: Յունիբանկն առաջարկում է նաև բիզնես լիզինգ՝ սկսած 0% տոկոսադրույքից և 0% կանխավճարից:

Հաճախորդին ընձեռվում է մատակարարի ընտրության հնարավորություն և լիզինգի մայր գումարի մարման արտոնյալ ժամկետ:

Ժամանակակից հարմարավետ սպասարկում ապահովելու համար ունենք նաև մոբայլ հավելված հատուկ բիզնեսի համար, որը հնարավորություն է տալիս արագ ու հեշտ կատարել գործարքներ աշխարհի ցանկացած կետից: