![](/static/articles/01/74/31/l-cWhNEUycWW.jpg)
«Հրապարակ». Սուրենավանի գյուղապետը կալանավորվել է. ի՞նչ կապ ունի նա Սերգեյ Չալյանի հետ
Արարատի մարզի Սուրենավան գյուղի գյուղապետ Կարո Կարապետյանը նախօրեին կալանավորվել է: Նա օգոստոսի 3-ից հետախուզման մեջ էր:
Ոստիկանության լրատվականից հայտնում են, որ Կարապետյանին մեղադրանք է առաջադրվել Քրեական օրենսգրքի 179 հոդվածի 2-րդ մասի հատկանիշներով՝ խոշոր չափի յուրացում կամ վատնում՝ պաշտոնեական դիրքն օգտագործելով: Իսկ մինչ այդ՝ 2011-ի դեկտեմբերին, նրա նկատմամբ հարուցվել էր քրեական գործ օրենսգրքի 315 հոդվածի 1-ին մասի հատկանիշներով՝ պաշտոնեական անփութություն:
Վերջինիս եղբայրն էլ քրեական պատմությունների մեջ է Ռուսաստանում:
Տեղեկություններ կան, որ Կարո Կարապետյանը հանրապետության գլխավոր զինկոմ Սերգեյ Չալյանի մարտական ընկերն է և իրենց տարածաշրջանում հայտնի է զինվորների «գործեր դզելով»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել