ԱԺ նախկին փոխնախագահ Արա Սահակյանի եղբոր նկատմամբ 15 եւ ավելի տարիներ ընթացող քրեական հետապնդումը մոտ մեկ ամիս առաջ դադարեցվել է: Ժամանակին այս քրգործի հարուցման հարցում էական դերակատարում են ունեցել Վանո Սիրադեղյանը եւ Խաչատուր Սուքիասյանը:

Սահակյանի եղբայրը, թողնելով տուն-տեղ-ունեցվածք, դիմել է փախուստի եւ տարիներ շարունակ թաքնվել Ռուսաստանում: Մոտ 1 ամիս առաջ իշխանությունը քաղաքական որոշում է կայացրել եւ փակել այդ գործը:

Ի դեպ, Արա Սահակյանը, ով տեւական ժամանակ է, ինչ գրեթե չի շփվում ՀՀՇ-ի եւ իր նախկին ընկերների հետ, նոր աշխատանքի է անցել. նրան առաջարկել են աշխատեցնել Աղվերանի հանգստյան տներից մեկը, որը ժամանակին կառավարության ամառանոցն էր:

Այն հետագայում սափականաշնորհվել է, եւ այժմ Արա Սահակյանը ստանձնել է այդ հանգստյան տան տնօրենի պաշտոնը եւ շինարարություն է իրականացնում: