ՆԳՆ ոստիկանությունում օպերատիվ տվյալներ են ստացվել հասարակական կարգի խաթարմանն ուղղված գործողությունների նախապատրաստման վերաբերյալ։ Այս մասին հաղորդում են ՆԳՆ լրատվականից։

«ՆԳՆ ոստիկանությունը իրականացնում է ուժեղացված ծառայություն, ինչի շրջանակում ձեռնարկվում են կանխարգելիչ-բացատրական աշխատանքներ։

Կոչ ենք անում պահպանել հասարակական կարգը։ Ցանկացած հակաօրինական դրսևորում արժանանալու է կոշտ հակազդման»,- ասված է հաղորդագրությունում։

Հիշեցնենք՝ քիչ առաջ ՀՅԴ Հայաստանի Գերագույն մարմինը հայտնել էր, որ ձերբակալություններ և խուզարկություններ են իրականացվել ՀՅԴ մարզային կառույցների պատասխանատուների նկատմամբ։ Սրբազան պայքար շարժումիվ էլ հայտնում են, որ իրենց կողմնակիցների լայնամաշտաբ ապօրինի ձերբակալություններ են տեղի ունեցել: