Վարչապետ Նիկոլ Փաշինյանը երեկ Ստամբուլում հանդիպում է ունեցել տեղի հայ համայնքի ներկայացուցիչների հետ։ Կառավարությունը հրապարակել է հանդիպման տեսագրությունը։

Հիշեցենք՝ վարչապետը երեկ աշխատանքային այցով Թուրքիայում էր, որտեղ հանդիպել էր Թուրքիայի Հանրապետության նախագահ Ռեջեփ Թայիփ Էրդողանին։

Կառավարության մամուլի ծառայության փոխանցմամբ՝ հանդիպման ընթացքում կողմերը քննարկել են Հայաստան-Թուրքիա հարաբերությունների կարգավորման ընթացքը, անդրադարձել տարածաշրջանային իրադարձություններին և այդ համատեքստում երկկողմ համագործակցության հնարավոր ուղղություններին։