Օգոստոսի 14-ին ոստիկանության քրեական հետախուզության գլխավոր վարչության և Կենտրոնականի բաժնի ծառայողները Կոմիտասի պողոտայի թիվ 42 շենքի մոտից, ավազակային հարձակում կատարելու կասկածանքով, բերման են ենթարկել 1982 թ. ծնված Ալեն Ս.-ին, իսկ Մովսես Խորենացու և Վ. Սարգսյան փողոցների խաչմերուկից՝ 1989 թ. ծնված Գագիկ Բ.-ին:

Պարզվել է, որ նրանք օգոստոսի 11-ին Մովսես Խորենացու և Զաքյան փողոցների խաչմերուկում ծեծել են Բելառուսի մի քաղաքացու և հափշտակել նրա բջջային հեռախոսն ու ոսկյա շղթան:

Ոստիկանությունը տեղեկացնում է, որ կատարվում է նախաքննություն: