Քրեական ոստիկանության Շիրակի մարզային վարչությունում ստացվել էր տեղեկություն, որ Սառնաղբյուր գյուղի բնակիչ 32-ամյա տղամարդն իր հողամասում աճեցնում է կանեփ: Այս մասին հայտնում են Ներքին գործերի նախարարության լրատվական ծառայությունից։

«Արթիկի և Անիի քննչական բաժնում նախաձեռնվեց քրեական վարույթ, որի շրջանակում կատարված զննությամբ 32-ամյա տղամարդու տնամերձ հողամասում հայտնաբերվեց մշակված կանեփի 440 բույս:
Ըստ տանտիրոջ` դրանցից պետք է ստանար թմրանյութ:

Նախաքննությամբ հանգամանքները պարզվում են»,- ասված է հաղորդագրությունում։