Այսօր՝ օգոստոսի 7-ին Մեդիայի Ինդուստրիալ կոմիտեն և հնդկական Inditronics Media Private Limited տեխնոլոգիական ընկերությունը համագործակցության հուշագիր են ստորագրել հեռուստատեսային վարկանիշների չափման ոլորտում համագործակցության մասին:

«Այս նախաձեռնությունը ժամանակի հրամայականն է, որի անմիջական մասնակիցն են լինելու հեռուստաընկերություններն ու գովազդային գործակալությունները»,- նշված է հուշագրի ստորագրման մասին Կոմիտեի տարածած հաղորդագրության մեջ:

ՀՌՀ նախագահ Տիգրան Հակոբյանը եւ ԻԿ նախագահ Մարգարիտա Գրիգորյանը

Կոմիտեն վստահեցնում է, որ 10-ամյա փորձով եւ Հնդկաստանի ավելի քան 110 քաղաքներում գործող Inditronics Media-ն կերաշխավորի ճշգրիտ, թափանցիկ և արժանահավատ տվյալների վրա հիմնված չափումներ, ինչը կնպաստի միջազգային բրենդների գովազդային արշավների ավելացմանը հայկական  շուկայում, որն էլ իր հերթին  կնպաստի  մեդիադաշտի  առողջ զարգացմանը: «Իսկ հավաքագրված տվյալները ոլորտի ներկայացուցիչները կկարողնան օգտագործել ինչպես մեդիա պլանավորման գործընթացում, այնպես էլ գովազդային ռազմավարությունների մշակման մեջ»,- նշված է հաղորդագրության մեջ:

«Շանթ» հ/ը ղեկավար Արթուր Եզեկյանը եւ ԻԿ նախագահ Մարգարիտա Գրիգորյանը

Հուշագրի ստորագրման միջոցառմանը մասնակցել են մեդիա ոլորտի, գովազդային գործակալությունների եւ պետական մարմինների ներկայացուցիչներ։

Ըստ Ինդուստրիալ կոմիտեի՝ Inditronics Media Private Limited ընկերության տեխնոլոգիական ենթակառուցվածքը հնարավորություն է տալիս իրականացնել իրական ժամանակում մոնիտորինգ ավելի քան 836 միլիոն դիտողների վարքագծի նկատմամբ՝ ընդգրկելով տարբեր սոցիալ-տնտեսական խմբեր և լեզվական շերտեր, իսկ լուծումները ընդգրկում են թե՛ ավանդական հեռուստատեսությունը, և թե՛ OTT հարթակները, խելացի հեռուստացույցները և քրքիչ սարքերով դիտումը, ապահովելով հաճախորդներին ամբողջական և կիրառելի մեդիա չափման տվյալներով։ 

«Ֆրի Նյու» հ/ը ղեկավար Մարիամ Մարգարյանը

Հանրային հեռուստաընկերության գործադիր տնօրեն Հովհաննես Մովսիսյանը

Հեռուստաչափումների ոլորտի խնդիրների եւ այս հուշագրին նախորդած իրադարձությունների մասին «Հետքի» հոդվածը՝ առաջիկայում։

Լուսանկարները՝ Ինդուստրիալ կոմիտեի

Գլխավոր լուսանկարում՝ Inditronics Media Private Limited-ի  հիմնադիր տնօրեն Քեշավ Վիշնու Շինդեն եւ Մարգարիտ Գրիգորյանը