Օգոստոսի 19-ին «ՎԱԶ-2106» մակնիշի ավտոմեքենան Իջևան-Երևան ճանապարհի 85-րդ կմ-ում դուրս է եկել երթևեկելի գոտուց և բախվել ծառին:

Պատահարի հետևանքով ուղևորը՝ 1980 թ. ծնված Կարեն Բաբայանը, տեղում մահացել է, իսկ վարորդը և մյուս 2 ուղևորները մարմնական վնասվածքներով տեղափոխվել են հիվանդանոց: Նույն օրը վարորդը՝ 1976 թ. ծնված Սլավիկ Ոսկանյանը, նույնպես մահացել է:

Ոստիկանությունը հայտնում է, որ կատարվում է նախաքննություն: