Նորվեգիայի Ֆյորդե քաղաքում կայանալիք ծանրամարտի աշխարհի 2025թ․ առաջնությունում Հայաստանը կներկայացնի 7 ծանրորդ, 6-ը՝ տղամարկանց, 1-ը՝ կանանց պայքարում։ Այս մասին հաղորդում է Հայաստանի ծանրամարտի ֆեդերացիան։

Տղամարդկանց ընտրանին կունենա հետևյալ կազմը.

• Գառնիկ Չոլակյան (60 կգ)
• Գոռ Սահակյան (71 կգ)
• Սուրեն Գրիգորյան (88 կգ)
• Սիմոն Մարտիրոսյան (110 կգ)
• Գարիկ Կարապետյան (110 կգ)
• Վարազդատ Լալայան (+110 կգ)

Հայաստանի տղամարդկանց թիմի գլխավոր մարզիչը Փաշիկ Ալավերդյանն է, իսկ մարզիչը` Հակոբ Փիլոսյանը:

Կանանց թիմից աշխարհի առաջնությանը կմասնակցի Աննա Ամրոյանը (77 կգ):

Կանանց հավաքականի գլխավոր մարզիչն Արտաշես Ներսիսյանն է, մարզիչը` Տարոն Թովմասյանը:

Աշխարհի առաջնությունը կկայանա հոկտեմբերի 2-11-ը:

2025 թվականի աշխարհի առաջնությանը քաշային կարգերում փոփոխություններ են սպասվում։ Տղամարդիկ կմրցեն նոր ՝ 60 կգ, 65 կգ, 71 կգ, 79 կգ, 88 կգ, 98 կգ, 110 կգ և +110 կգ, իսկ կանայք՝ 48 կգ, 53 կգ, 58 կգ, 63 կգ, 69 կգ, 77 կգ, 86 կգ և +86 կգ քաշային կարգերում:

Լուսանկարը՝ Հայաստանի ծանրամարտի ֆեդերացիայի