![](/static/articles/01/76/74/l-4caJgkP4Y6.jpg)
Պատահարներ Սևանա լճում. ջրափրկարարները օգնել են քաղաքացիներին
Օգոստոսի 19-ին՝ Սևանա լճում հերթապահություն իրականացնելիս, ջրափրկարարները «Ոսկե ափ» և «Ֆլամինգո» լողափների մոտակայքում հանգստացողների օգնությամբ լճից դուրս են բերել Արմավիրի մարզի Բաղրամյան գյուղի բնակիչ, 1992 թ. ծնված Ռազմիկ Պետրոսյանին:
Նախնական տվյալներով տուժածը ջուրը ցատկելիս վնասել է ողնաշարը և տեղափոխվել է Սևանի, այնուհետև Երևանի «Սբ. Գրիգոր Լուսավորիչ» բժշկական կենտրոններ: Բժիշկները տուժածի առողջական վիճակը գնահատել են ծանր:
Օգոստոսի 19-ին ահազանգ է ստացվել, որ Սևան լճի «Վիկտորիա» լողափի մոտակայքում (Սևան-Շորժա ավտոճանապարհի 15-րդ կմ) մոտորանավակ է շրջվել, լճի մեջ է հայտնվել 2 քաղաքացի. անհրաժեշտ է փրկարարների օգնությունը:
Դեպքի վայր է մեկնել Հատուկ ջրափրկարար ջոկատի հերթապահ խումբը: Ջրափրկարարները լճից դուրս են բերել Երևանի Խ.Խաչատրյան փողոցի թիվ 1 տան բնակիչներ, 1981 թ. ծնված Մարտին Հայրապետյանին և 1983 թ. ծնված Ագնեսա Զադոյանին: Տուժածներին «1-03» ծառայության աշխատակիցները ցուցաբերել են առաջին բուժօգնություն, տեղափոխման կարիք չի առաջացել:
Օգոստոսի 19-ին ահազանգ է ստացվել, որ Նորատուս-Մարտունի ավտոճանապարհի 6-7 կմ-ի մոտ՝ Սևանա լճում, ափից մոտ 40 մ հեռավորության վրա, մարդ է խեղդվում. անհրաժեշտ է փրկարարների օգնությունը:
Դեպքի վայր է մեկնել Հատուկ ջրափրկարարական ջոկատի հերթապահ խումբը: Ջրափրկարարները և Գավառ քաղաքի ոստիկանության աշխատակիցները, համատեղ ուժերով հետախուզելով տարածքը, խեղդվող քաղաքացուն չեն հայտնաբերել:
Ոստիկանությունից հաղորդել են, որ հաջողվել է կապ հաստատել ահազանգողի հետ, և վերջինս տեղեկացրել է, որ քաղաքացին ականատեսների օգնությամբ դուրս է եկել ափ: Այս մասին հայտնում է արտակարգ իրավիճակների նախարարությունը:
Մեկնաբանել