Սեպտեմբերի 18-ին՝ ժամը 10:20-ի սահմաններում, Արդարադատության նախարարության «Արմավիր» քրեակատարողական հիմնարկի անվտանգության ապահովման բաժնի ծառայողները հանձնուքների ընդունման սենյակում զննության են ենթարկել դատապարտյալի անվամբ քաղաքացի Տ. Ղ.-ի կողմից բերված հանձնուքը: Մեղրի տարայի միջից հայտնաբերել են թմրամիջոցի նմանվող, բաց շագանակագույն զանգված՝ ընդհանուր՝ 3.44 գրամ քաշով: Այս մասին հայտնում է Քրեակատարողական ծառայությունը։

«Քաղաքացին ձերբակալվել է և հայտնաբերվածի հետ ներկայացվել Արմավիրի մարզի քննչական վարչության Վաղարշապատի քննչական բաժին»,- ասված է ՔԿԾ հաղորդագրության մեջ:

Լուսանկարը՝ ՔԿԾ-ի