![](/static/articles/01/76/95/l-FEM883qdsv.jpg)
«Ժողովուրդ». Էլի վնասում են
Ըստ «Ժողովուրդ»-ի տեղեկությունների` ԲՀԿ առաջնորդ Գագիկ Ծառուկյանի հիմնադրամի բարեգործական երթուղիները ոչ միայն «Քինգ դելյուքս» ընկերության երթուղայիններին են վնասում, այլև մեկ ուրիշ երթուղու: Բանն այն է, որ Երևան-Աբովյան բարեգործական երթուղին անհարմարություններ է ստեղծել նաև Երևանի թիվ 86 ավտոբուսային երթուղու վարորդների համար:
Նշված երթուղին սպասարկում է Ավան և Նոր Նորք վարչական շրջանները: Իսկ այնտեղի բնակիչները նախընտրում են վերը նշված վարչական շրջանները բարեգործական անվճար ավտոբուսներով հասնել:
86 համարի վարորդներից մեկը, որը չցանկացավ ներկայանալ, «Ժողովուրդ»-ի հետ զրույցում ասաց. «Ասում են`բարեգործական ա, ուսանողների համար, ով ասես նստում ա, կանգառ առ կանգառ կանգնում են, դե էլ ո՞վ կնստի մեր ավտոբուսները: Ավելի լավ ա`հին «Պազիկ» նստեն, բայց կարևորը` անվճար ա»:
Վարորդները հավելել են, որ այս ամենից ելք չեն տեսնում, քանի որ, ըստ նրանց, «Ծառուկյանը հզոր ա, իրա դեմ խաղ չկա, օրենքներն էլ չեն աշխատում»:
«Բարեգործական հիմնադրամն այդ մասին ոչ մի ահազանգ չի ստացել, մինչև այս պահը նման խնդիր չի առաջացել, առաջին անգամ ձեզանից եմ լսում»,- «Ժողովուրդ»-ի հետ զրույցում ասաց Ծառուկյանի խոսնակ Ի. Տոնոյանը:
Մեկնաբանել