![](/static/articles/01/76/96/l-hel8yTq7Ra.jpg)
«Հայկական ժամանակ». արտագաղթը կրկին աճել է
Անցած յոթ ամիսներին բոլոր տեսակի տրանսպորտային միջոցներով Հայաստանից մեկնել է եւ չի վերադարձել 83 հազար 760 մարդ: Այս տվյալը երեկ հրապարակել է ՀՀ տարածքային կառավարման նախարարության միգրացիոն պետական ծառայությունը:
Անցած տարվա նույն ժամանակահատվածում բոլոր տեսակի տրանսպորտային միջոցներով ՀՀ-ից մեկնած եւ չվերադարձածների թիվը կազմել էր 78 հազար 644 մարդ: Անցած տարվա համեմատ՝ մեկնած եւ չվերադարձածների ցուցանիշն աճել է 5 հազարով կամ մոտ 6,5 տոկոսով: Միայն հուլիսին Հայաստանից մեկնել եւ չի վերադարձել շուրջ 10 հազար մարդ:
Հիշեցնենք, որ միգրացիոն պետական ծառայությունը ՀՀ կառավարությանն առաջարկել է արտագաղթի ճշգրիտ ծավալները պարզելու նպատակով ուսումնասիրություն անցկացնել: Այդ ծրագրի համար միգրացիոն պետական ծադայությունը ՀՀ կառավարությունից խնդրել է լրացուցիչ 13 միլիոն դրամի ֆինանսավորում:
Մեկնաբանություններ (2)
Մեկնաբանել