Շաբաթներ առաջ «ՀԺ»-ն տեղեկացրել էր, որ ՀՀ ճանապարհային ոստիկանության նախկին պետ, վեց տարվա ազատազրկման դատապարտված Մարգար Օհանյանը ներման խնդրագիր է գրելու Սերժ Սարգսյանին: Երեկ պարզվել է, որ դիմումն արդեն գրված է: Այս տեղեկությունը «ՀԺ» թղթակցի հետ զրույցում հաստատել է Մարգար Օհանյանի եղբայրը՝ Մեծամորի ոստիկանապետ Մուշեղ Օհանյանը: «Անձամբ նրա հետ չեմ խոսել, բայց իմ իմանալով՝ գրել է»,- ասել է նա:

Անցյալ ամառվանից անազատության մեջ գտնվող Օհանյանը դատական վերջին նիստում ընդունել էր իր մեղքը պետության առաջ, իսկ դատավճռի կայացումից հետո չէր բողոքարկել: Մարգար Օհանյանը մեղադրվում էր բենզինի յուրացման և պաշտոնական լիազորությունները չարաշահելու մեջ:

Շաբաթներ առաջ «ՀԺ»-ն տեղեկացրել էր, որ Սերժ Սարգսյանին ներման խնդրագիր է գրել նաև ՀՀ ոստիկանության քրեական հետախուզության գլխավոր վարչության նախկին պետ Հովհաննես Թամամյանը: