Բնապահպանության և ընդերքի տեսչական մարմնից հայտնում են, որ ստացված «Գենդեռ փարթի Շաքիի ջրվեժում» ահազանգի հիմքով հարուցվել է վարչական վարույթ։

«Ձեռնարկվում են համապատասխան միջոցառումներ բնության հատուկ պահպանվող տարածք հանդիսացող՝ բնության ջրաերկրաբանական հուշարձան Շաքիի ջրվեժում երեխայի սեռի մասին հայտնող միջոցառման կազմակերպիչներին հայտնաբերելու և պատասխանատվության ենթարկելու ուղղությամբ։

Կտրամադրվի լրացուցիչ տեղեկատվություն»,- հայտնում են տեսչական մարմնից։

Հիշեցնենք, որ առավոտյան Շրջակա միջավայրի նախարարությունը պարզաբանում էր տարածել Շաքիի ջրվեժի տարածքում երեխայի սեռի որոշման արարողություն կազմակերպելու մասին։