Մարդու իրավունքների պաշտպանի աշխատակազմից հաղորդում են, որ հոկտեմբերի 15-ին զանգվածային լրատվության միջոցների և սոցիալական մեդիայի մշտադիտարկման արդյունքում տեղեկություն է ստացվել Հայ առաքելական եկեղեցու մի խումբ հոգևորականների բերման ենթարկելու վերաբերյալ:

«Նշված հարցի վերաբերյալ ՄԻՊ աշխատակազմի թեժ գծին զանգ է ստացվել նաև փաստաբանի կողմից:

Մարդու իրավունքների պաշտպանի հանձնարարությամբ աշխատակազմի արագ արձագանքման խումբը մեկնել է Քննչական կոմիտե՝ ազատությունից զրկված անձանց իրավունքների ապահովման վիճակին և ազատությունից զրկելու հիմքերին տեղում ծանոթանալու նպատակով»,- նշվում է հաղորդագրության մեջ։

Հիշեցնենք՝ այսօր հայտնի դարձավ, որ ձերբակալվել են Հայ առաքելական եկեղեցու Արագածոտնի թեմի առաջնորդ՝ Տեր Մկրտիչ եպիսկոպոս Պռոշյանը և թեմի քահանաներից 6-ը։ 

Առավոտից քննչական մարինները խուզարկություններ են կատարել ձերբակալված հոգևորականների բնակարաններում։

Մանրամասները՝ այստեղ։