Տեսանյութեր
Լուսանկարներ
Ովքեր են Հայաստանում մեդիայի սեփականատերերը. տվյալների շտեմարան մեդիայի մասին
«Հետքը» գերմանական «Գլոբալ մեդիա ռեգիստր» կազմակերպության հետ համագործակցությամբ գործարկել է «Մեդիայի սեփականության մոնիտորինգ Հայաստան» կայքը (հայերեն եւ անգլերեն), որը Հայաստանի լրատվամիջոցների եւ դրանց սեփականատերերի մասին տվյալների շտեմարան է։ Կայքի շնորհանդեսը տեղի ունեցավ հոկտեմբերի 22-ին։
Հեռուստատեսության, ռադիոյի, տպագիր եւ առցանց ոլորտի 42 լրատվամիջոց է ներկայացված տվյալների այդ շտեմարանում՝ սեփականության կառուցվածքի եւ թափանցիկության տեսանկյունից։ Լրատվամիջոցներն ընտրվել են ըստ լսարանի ընդգրկման։
Կայքում կգտնեք՝
- Լսարանի տեսանկյունից ազդեցություն ունեցող լրատվամիջոցների սեփականատերերի, դրանք կառավարող մարմինների/անհատների մասին ամփոփ տեղեկատվություն։
- Մեդիայի տարբեր ոլորտներում շուկայի կենտրոնացվածության գնահատական։
- Հայաստանում մեդիայի սեփականության կենտրոնացման եւ թափանցիկության հարցերի իրավական կարգավորման մասին վերլուծություն։
- Մեդիայի քաղաքականացվածության աստիճանի գնահատական։
- Մեդիայի բազմակարծությանը սպառնացող ռիսկերի գնահատում։
- Հայաստանի պատմական, քաղաքական, տնտեսական, հասարակական, տեխնոլոգիական պայմանների նկարագրություն, որոնցում ձեւավորվել եւ գործում է հայաստանյան մեդիան։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել