Բնապահպանության և ընդերքի տեսչական մարինը հայտնում է, որ տեսչական մարմնի աշխատակիցները Լոռու մարզի փհէկ-երում կատարած ստուգումների արդյունքում արձանագրել են ջրային ռեսուրսների գերշահագործման դեպքեր։

««ԼԵՌ ԵՎ ՋՈՒՐ» ՍՊԸ-ին պատկանող «Արջուտ 1», «Արջուտ 2» և «Չիչխան» փհէկ-երը՝ համապատասխանաբար Լեռնաջուր, Փամբակ, Չիչխան գետերից ջրառն իրականացրել են ջրօգտագործման թույլտվությունների պահանջների խախտումներով։ 

Ներկայացվել է 16.419.668դր. ջրային ռեսուրսներին հասցված վնասի փոխհատուցման պահանջ։

«ՕՍՏ-ԷԼ» ՍՊԸ-ին պատկանող «Հաղպատ 1» փհէկ-ը՝ Դեբեդ գետի վտակներից կատարել է ջրօգտագործման թույլտվությամբ նախատեսված ծավալներից ավել ջրառ։ 

Ջրային ռեսուրսներին հասցված վնասի փոխհատուցման պահանջի չափը՝ 6.492.144 դրամ։

«ԱՅՈՒԴԱ-ԼՈՍ» ՍՊԸ-ին պատկանող «Պոզիտրոն» փհէկ-ը՝ Մարց գետից կատարել է սահմանված չափաքանակները գերազանցող ջրառ։ 

Ներկայացվել է 6.068.132 դրամ ջրային ռեսուրսներին հասցված վնասի փոխհատուցման պահանջ։ 

Ընկերությունների տնօրենների նկատմամբ նշանակվել են վարչական տուգանքներ, ընդհանուր՝ 1.760.000 դրամ չափով»,- ասված է հաղորդագրության մեջ։