Ստեփան Ասատրյանի (մինչ կարգալույծ հռչակվելը՝ Տեր Արամ) կողմից Հովհաննավանքում մատուցվեց պատարագ, որին ներկա էին վարչապետ Փաշինյանը, Պաշտպանության նախարար Սուրեն Պապիկյանը, «Քաղաքացիական պայմանագիր» կուսակցության այլ անդամներ և տարբեր պաշտոնյաներ։

Օհանավան գյուղում, որտեղ գտնվում է Հովհաննավանքը, վաղ առավոտից ոստիկանական ուժեր էին կուտակված, վանքի տարածքում ամբողջ ընթացքում գտնվում էին անվտանգության մեծաթիվ աշխատակիցներ։ Լրագրողների մուտքը վանքի սրահ, որտեղ պատարագի ընթացքում գտնվում էր վարչապետը, սահմանափակված էր անվտանգության աշխատակիցների կողմից։