Արագածոտնի մարզում տեղական ինքնակառավարման մարմինների ընտրությունները խոստանում են թեժ լինել: Մի շարք համայնքներում բուռն պայքար է սպասվում:

ՀՀ գլխավոր դատախազ Աղվան Հովսեփյանը փորձում է Արագածոտնի գրեթե բոլոր համայնքներում թեկնածուներ առաջադրել: Մասնավորապես, Աշտարակում նա պատրատվում էր առաջադրել «Աշտարակի ձոր» հայտնի ռեստորանի տիրոջը՝ Ձորի Կարիկին, սակայն, որոշ տեղեկություններով, դատախազին արգելել են թեկնածու առաջադրել, ինչից վերջինս շատ է զայրացել ու վիրավորվել:

Երեկ՝ ՀՀԿ նիստից հետո, կուսակցության փոխնախագահ Գալուստ Սահակյանից «Հրապարակը» հետաքրքրվեց, թե ինչու են դատախազին արգելել առաջադրելու իր թեկնածուին: «Մեզանում չկան անհատներ, որոնք իրենք թեկնածուներն են առաջադրում: Մենք ունենք տարածքային կառոււյցներ, որոնց վերլուծությունների, որոշումների հիման վրա պաշտպանում ենք այն թեկնածուին, որը որոշում է տարածքային կառույցը»,- ասաց նա: