Բնապահպանության և ընդերքի տեսչական մարմնից հայտնում են, որ Էնդեմիկ և վտանգված կենդանիների պահպանման հիմնադրամի կողմից 2025 թվականի նոյեմբերի 9-ին ստացվել է տեղեկատվություն Շիրակի մարզի Բագրավան գյուղի վարչական տարածքում հայտնաբերված լուսանի ձագի վերաբերյալ։

«Տեսչական մարմնում հարուցված վարչական վարույթի շրջանակներում պարզվել է, որ վայրի կենդանին հայտնաբերվել է Բագրավան գյուղի բնակիչների կողմից և գտնվում է հյուծված վիճակում։

Տեսչական մարմնի աշխատակիցները նույն օրը հյուծված լուսանի 5 ամսական ձագին տեղափոխել են Երևանի կենդանաբանական այգի՝ անհրաժեշտ նախնական  խնամք և վերականգնողական շրջան անցնելու համար»,- նշված է հաղորդագրության մեջ։