Նվիրվում է հայ-ֆրանսիական դիվանագիտական հարաբերությունների 20-ամյակին

Վաղը՝ ժամը 18:00-ին, Կոմիտասի անվան կամերային երաժշտության տանը տեղի կունենա հայ և ֆրանսիական երիտասարդական նվագախմբերի համատեղ համերգ՝ մասնակցությամբ Նարեկացի ժողնվագարանների համույթի (գեղ. ղեկավար՝ Հովիկ Սահակյան) և Ֆրանսիայի Վիեն քաղաքից ժամանած «ՍԻԵՄ» նվագախմբի (գեղ. ղեկավար՝ Ֆրանսուազ Տեզ-Տուղնյե):

Առանձին և միացյալ կազմով՝ նվագախմբերը կկատարեն հայ հոգևոր երաժշտություն, աշուղական, ժողովրդական, ազգագրական երգեր ու պարեղանակներ, ֆրանսիական ժողովրդական երաժշտություն, հայ եւ համաշխարհային կոմպոզիտորների դասական և ժամանակակից ստեղծագործություններ:

Համերգը կազմակերպել է Նարեկացի արվեստի միությունը՝ «Ադաջիո» երաժշտական մշակութային հասարակական կազմակերպության աջակցությամբ:

Մուտքն ազատ է: