ԱՄՆ նախագահ Դոնալդ Թրամփն Ուկրաինայի նախագահ Վլադիմիր Զելենսկիին կոչ է արել հավանություն տալ Ռուսաստանի և Ուկրաինայի միջև լայնամասշտաբ պատերազմի դադարեցման Վաշինգտոնի պլանին։ 

«Մենք կարծում ենք, որ մենք ունենք խաղաղությանը հասնելու հնարավորություն։ Նա (Վլադիմիր Զելենսկին՝ խմբ.) ստիպված կլինի հավանություն տալ դրան»,- Սպիտակ տանը հայտարարել է Թրամփը՝ խոսելով ամերիկյան կողմի նախագծի մասին։

.@POTUS on ending the war in Ukraine: "I’ve spoken with their people, we have a plan. It's horrible, what’s happening. It’s a war that should've never happened... we think we have a way of getting peace—he's going to have to approve it." pic.twitter.com/KNFwtjmgZC

— Rapid Response 47 (@RapidResponse47) November 21, 2025

ԱՄՆ նախագահի խոսքով՝ ինքը հույս ուներ, որ պատերազմն ավելի արագ կավարտվեր, իսկ ինքը կկարողանա հրադադարի հասնել, քանի որ «լավ հարաբերություններ ունի նախագահ Պուտինի հետ»։

Դոնալդ Թրամփը պատերազմում Ռուսաստանի և Ուկրաինայի կորուստները համեմատել է Երկրորդ համաշխարհային պատերազմի ժամանակ կրած կորուստների հետ։ «Նախորդ ամիս նրանք կորցրել են 25 հազար զինծառայող։ Մենք նման բան չէինք տեսել։ Սա Երկրորդ համաշխարհային պատերազմ է»,- հայտարարել է նա։

Հիշեցնենք, որ Ուկրաինայի նախագահ Վլադիմիր Զելենսկին, մեկնաբանելով ամերիկյան խաղաղության նախաձեռնությունը, ուկրաինացիներին ուղղված իր ուղերձում հայտարարել է, որ Ուկրաինան կանգնած է շատ բարդ ընտրության առաջ։ «Կամ արժանապատվության կորուստ, կամ էլ առանցքային գործընկերոջ կորստի ռիսկ»,- նշել է նա։

Լուսանկարը՝ Evan Vucci/AP