Հակաբիոտիկները գործում են միայն բակտերիալ վարակների դեմ և անարդյունավետ են վիրուսների՝ գրիպի, սուր շնչառական վիրուսային վարակների դեպքում։ Այս մասին նշում են Հիվանդությունների վերահսկման և կանխարգելման ազգային կենտրոնից։

«Ինչու՞ է կարևոր խուսափել անհարկի հակաբիոտիկներից։ Անտեղի կամ կիսատ օգտագործումը բերում է հակաբիոտիկակայունության, երբ բակտերիաներն այլևս չեն արձագանքում բուժմանը։ Արդյունքում պարզ վարակները կարող են դառնալ դժվար բուժելի։ Ավելանում է բարդությունների և հոսպիտալացման ռիսկը։

Ի՞նչ անել ձեզ և շրջապատին պաշտպանելու համար.

• Հակաբիոտիկ օգտագործեք միայն բժշկի նշանակմամբ
• Հետևեք ձեռքի հիգիենային վարակներից պաշտպանվելու համար
• Մի կիսվեք հակաբիոտիկներով, մի օգտագործեք նախկինում մնացած բուժումն ինքնաբուժությամբ

Հիշե՛ք հակաբիոտիկների ճիշտ կիրառումը մեր բոլորի առողջության պաշտպանության ուղին է»,-ասված է գրառման մեջ։