Օձը խայթել է Նարեկ գյուղի բնակչին. տուժածի վիճակը կայուն ծանր է
Օգոստոսի 26-ին օձի խայթոցից թունավորումով Արարատի մարզի Արտաշատի հիվանդանոց է տեղափոխվել Նարեկ գյուղի բնակիչ, 1953 թ. ծնված Էդիկ Ղարուխանյանը: Ըստ բժիշկների՝ տուժածի առողջական վիճակը կայուն ծանր է:
Օգոստոսի 26-ին ահազանգ է ստացվել, որ Երևանի Շոպրոնի 21 շենքի նկուղում (Լազերային տեխնոլոգիաների ինստիտուտ) օձ են նկատել: Դեպքի վայր են մեկնել ՃԿԿ օպերատիվ խումբը և հատուկ մասնագետը: Մասնագետն ուսումնասիրել է տարածքը: Օձը հայտնաբերել և տեղափոխել են անվտանգ տարածք:
Նույն օրն ահազանգ է ստացվել, որ Գեղարքունիքի մարզի Ակունք գյուղի 9-րդ փողոցի 7-րդ տան նկուղում օձ են նկատել: Դեպքի վայր է մեկնել մեկ մարտական հաշվարկ: Փրկարարներն ուսումնասիրել են տարածքը և օձ չեն հայտնաբերել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել