Երևի նկատել եք, որ վաճառվող մի շարք ապրանքների վրա այժմ ակցիզային դրոշմապիտակների փոխարեն QR ծածկագրեր են։ Արտադրողներն ու ներմուծողներն այդ ծածկագրերը գնում են «Ի-Մարկ» ՍՊ ընկերությունից, որը ապրանքների դրոշմավորման ազգային օպերատորն է։ 

Երբեմն լսում ենք, որ սա լավ համակարգ է և նպաստում է տնտեսության մեջ ստվերի կրճատմանը, երբմեն էլ՝ որ «Ի-Մարկ»-ն ունի մենաշնորհ, և ի սկզբանե ընկերության ստեղծումը պարունակել է կոռուպցիոն ռիսկեր, ՊԵԿ-ում պաշտոնեական դիրքի չարաշահում։ 

Տնտեսվարողները բողոքում են, որ QR ծածկագրերը լրացուցիչ ֆինանսական բեռ են։ Ավելի խոշորները նաև մտավախություն ունեն՝ արդյոք ՊԵԿ-ն ու «Ի-Մարկ»-ը իրենց առևտրային գաղտնիք պարունակող տվյալները չեն փոխանցի երրորդ անձանց։ 

Ինչու՞ է ՊԵԿ նախագահ Էդուարդ Հակոբյանը հայտարարում, որ դեռևս տարեսկզբին այս համակարգը կայացած չէր։

Արդյոք կէժանանան QR ծածկագրերը։ 

Այս և այլ հարցերի մասին  զրուցել ենք «Ի-Մարկ» ընկերության տնօրեն Հովհաննես Հովհաննիսյանի հետ։