Լուսանկարիչ Նաիրա Կոսյանի What You Don't Like (But I Do) Ինչ դու չես սիրում (բայց ես սիրում եմ)` խմբ․) ֆոտոնախագիծը 26 տարբեր ծագում ունեցող կանանց, այդ թվում՝ մի քանի հայ մասնակիցների մասին է, ովքեր բացահայտում են իրենց այն մասերը, որոնք մի ժամանակ փորձել են թաքցնել՝ սպիներ, ձգվածքի հետքեր, ասիմետրիա, մարմնի փափկություն, մաշկի վրա գրված պատմություններ։

Լատվիայում ապրող հայ լուսանկարչի այս նախագիծը հոկտեմբերին Ռիգայում ցուցադրվելուց հետո այսօր` դեկտեմբերի 12-ին, ցուցահանդեսի տեսքով ներկայացվեց Երևանի A1 պատկերասրահում։
«Տեսանելի լինելը նշանակում է խոցելի լինել, - ասում է Նաիրա Կոսյանը,- բայց հենց խոցելիության մեջ ենք գտնում կապը` մեզ հետ և ուրիշների հետ»։