Օգոստոսի 27-ին ահազանգ է ստացվել, որ Երևանի Տիգրան Մեծ պողոտայի 53 շենքից ծուխ է նկատվում: Դեպքի վայր են մեկնել ՃԿԿ արձագանքման խումբը, երկու մարտական հաշվարկ և ավտոսանդուղքը:

Տեղում պարզվել է, որ ծուխը նկատվել է Ա. Գաբրիելյանին պատկանող 89-րդ բնակարանից, որի դուռը փակ է: Բնակարանում գտնվող հաշմանդամ Գ. Մարտիրոսյանը, որը չէր կարողանում ինքնուրույն բացել դուռը, հաղորդել է, որ մասամբ այրվել է ներքնակը, և ինքը մարել է հրդեհը:

«Հրշեջ-փրկարարները պատուհանից մտել են բնակարան և հավաստիացել, որ հրդեհը մարված է, ու Գ. Մարտիրոսյանին վտանգ չի սպառնում»,- հայտնում է արտակարգ իրավիճակների նախարարությունը: