«Չորրորդ ինքնիշխանություն». գործատուների աչքը լույս
ՀՀ աշխատանքի և սոցիալական հարցերի նախարար Արտեմ Ասատրյանը հայտարարել է, թե «Եկամտային հարկի մասին» նոր օրենքը, որն ուժի մեջ կմտնի հունվարի 1-ից, աշխատավարձերի իջեցում չի ենթադրում:
«ՉԻ» - Փաստորեն, բանն այնտեղ է հասել, որ իշխանությունները որպես մեծագույն նվաճում են ներկայացնում ցանկացած քայլ, որը մարդկանց վիճակը չի վատացնելու: Այլ հարց է, որ նախարարը, մեղմ ասած, այնքան էլ անկեղծ չէ:
Նոր օրենքը հաստատ ազդելու է մարդկանց աշխատավարձերի վրա: Ինչո՞ւ: Որովհետև այսօր գործատուն իր ամեն աշխատողի համար սոցվճար է մուծում, իսկ նոր օրենքով այդ սոցվճարն աշխատողը պիտի վճարի իր աշխատավարձից (գործատուն էլ, իբր, պիտի նույն չափով բարձրացնի նրա աշխատավարձը): Իսկ եթե չբարձրացրեց, աշխատողը պիտի բողոքի, հարկայինն էլ գա ստուգի:
Հարց է ծագում՝ Հայաստանում քանի՞ աշխատող կգտնվի, որ իր գործատուի վրա «հարկային բերի»: Սուսուփուս պիտի մուծի սոցվճարը, և վերջ:
Բայց նախարարը ձևացնում է, թե այդ «նրբություններին» չի տիրապետում: Բյուջեն լցնելու տեսանկյունից ճիշտը դա է:
Մեկնաբանություններ (2)
Մեկնաբանել