Օգոստոսի 28-ին ահազանգ է ստացվել, որ Շիրակի մարզի Գյումրիի Գործարանային փողոցի սկզբնամասում այրվում է ավտոմեքենա: Դեպքի վայր է մեկնել մեկ մարտական հաշվարկ:

Դեռևս չբացահայտված հանգամանքներում «ՈւԱԶ 69» մակնիշի ավտոմեքենան (վարորդ՝ 1990 թ. ծնված Իգոր Ռիգև) դուրս է եկել ճանապարհի երթևեկելի մասից և շրջվել: Պատահարի հետևանքով հրդեհ է բռնկվել: Հրդեհը մեկուսացվել և մարվել է:

Ավտոմեքենան ամբողջությամբ այրվել է: Ի. Ռիգևին տարբեր աստիճանի մարմնական վնասվածքներով տեղափոխել են Գյումրիի Գյուլբենկյանի անվան բժշկական կենտրոն:

Արտակարգ իրավիճակների նախարարությունը հայտնում է, որ ըստ բժիշկների՝ տուժածի առողջական վիճակը միջին ծանրության է: