Վարչապետ Նիկոլ Փաշինյանի հունվարի 7-ի որոշմամբ՝ Նարեկ Ապիտոնյանը նշանակվել է Տարածքային կառավարման և ենթակառուցվածքների նախարարի տեղակալ։

«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Նարեկ Ապիտոնյանին նշանակել տարածքային կառավարման և ենթակառուցվածքների նախարարի տեղակալ»,- նշվում է որոշման մեջ:

Ապիտոնյանը Տարածքային կառավարման և ենթակառուցվածքների նախարարության էներգետիկայի վարչության խորհրդական էր, «էլեկտրաէներգետիկական համակարգի օպերատոր» ՓԲԸ-ի գլխավոր տնօրենի ժամանակավոր պաշտոնակատար էր նշանակվել 2025 թվականի հունիսին։

Լուսանկարը՝ Նարեկ Ապիտոնյանի ֆեյսբուքյան էջից