Արմավիրի մարզի բնակիչները փոխվարչապետ, տարածքային կառավարման նախարար Արմեն Գևորգյանի հետ այսօր մարզում տեղի ունեցած հանդիպման ժամանակ բարձրացրել են գյուղմթերքի, հատկապես կարտոֆիլի, կաղամբի և դեղձի իրացման, մթերող ընկերությունների կողմից մթերումների դիմաց ժամանակին վճարվելու, ապրանքի դիմաց վճարվող գնի, ինչպես նաև ոռոգման կազմակերպմանը վերաբերող հարցեր:

ՏԿՆ հասարակայնության հետ կապերի բաժնի հաղորդմամբ՝ բնակիչները նշել են, որ սակավաջուր տարին ոռոգման հարցում որոշակի դժվարություններ է առաջացնում, և առաջարկել առավելագույնս օգտագործել խորքային հորերը, հնարավորության դեպքում՝ շահագործել նորերը:

Ա. Գևորգյանը խոստացել է, որ այս հարցերը կքննարկվեն կառավարությունում: