2026 թ. հունվարի 26-ին Արդարադատության նախարարության «Վանաձոր» քրեակատարողական հիմնարկի պահպանության ապահովման բաժնի ծառայողները դատապարտյալին ուղեկցել են ատամնաբուժական կլինիկա։

Քրեակատարողական ծառայության Հանրային կապերի բաժնի հաղորդմամբ, բուժհաստատությունում ծառայողները նկատել են, որ դատապարտյալը դրսևորում է կասկածելի վարքագիծ, ինչի արդյունքում վերջինս ենթարկվել է խուզարկության։

Խուզարկության ընթացքում դատապարտյալն ինքնակամ հանձնել է փաթեթ, որի մեջ առկա է եղել մարիխուանա տեսակի թմրամիջոցին նմանվող, ընդհանուր 7,6 գրամ քաշով բուսական զանգված։

«Դեպքի առթիվ ձեռնարկվել են համապատասխան միջոցառումներ»,- հայտնում է ՔԿԾ-ն։

Լուսանկարը՝ ՔԿԾ-ի