Փրկարար ծառայությունը տեղեկացնում է. հանրապետության ավտոճանապարհները հիմնականում անցանելի են, սակայն առկա են փակ և դժվարանցանելի հատվածներ։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները։

Հարժիս-Շինուհայր խաչմերուկը (բուք), Թթուջուր-Նավուր ավտոճանապարհը փակ են բոլոր տեսակի տրանսպորտային միջոցների համար, Ջերմուկի խաչմերուկից «Զանգեր» կոչվող հատվածը, Սպիտակի ոլորանները և Սյունիքի մարզի ավտոճանապարհները՝ կցորդով բեռնատարների համար։

Վարդենյաց լեռնանցքը փակ է կցորդով տրանսպորտային միջոցների համար, դժվարանցանելի՝ մյուս տեսակի տրանսպորտային միջոցների համար։ Գեղարքունիքի մարզի ավտոճանապարհներին առկա է մերկասառույց։

Շիրակի մարզում տեղում է ձյուն։ Հնաբերդ գյուղում և Ալագյազ-Արթիկ, Ապարան-Նիգավան ավտոճանապարհներին բուք է։ 

Փրկարար ծառայությունը վարորդներին հորդորում է երթևեկել բացառապես ձմեռային անվադողերով։

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։