Հակակոռուպցիոն դատարանը վարույթ է ընդունել Գլխավոր դատախազության հայցադիմումը՝ 2000-2019թթ. ՀՀ պետական եկամուտների նախարարությունում և Ոստիկանությունում տարբեր պաշտոններ զբաղեցրած Միհրան Վաչիկի Դավթյանից և նրան փոխկապակցված անձանցից ապօրինի ծագում ունեցող գույքը հօգուտ Հայաստանի Հանրապետության բռնագանձելու պահանջով։

Բռնագանձման ենթակա գույքի և միջոցների կազմը.

• 14 միավոր անշարժ գույք և 6 տրանսպորտային միջոց։
• Բաժնեմասեր. Մասնակցություն 2 իրավաբանական անձանցում։
• Բանկային ավանդներ՝ 792 հազար դրամ և 24 հազար ԱՄՆ դոլար։
• Չվերադարձված փոխառության պահանջի իրավունք՝ 5 միլիոն դրամ։
• Ապօրինի դրամական միջոցների մնացորդ՝ 270 միլիոն 151 հազար դրամ։
• 796 միլիոն 825 հազար դրամ, որը չի հիմնավորվում օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել։