Այսօր՝ 2026թ. մարտի 17-ին՝ ժամը 11։00-ի սահմաններում, «Արմավիր» քրեակատարողական հիմնարկի կարանտինային խցում հայտնաբերվել է 4 օր առաջ՝ մարտի 13-ին կալանավորված, 1973թ․ ծնված անձը՝ կախված վիճակում։ Այս մասին հայտնում են Քրեակատարողական ծառայությունից։

Քննչական կոմիտեից «Հետք»-ին հայտնեցին, որ դեպքի առթիվ դեռ քրեական վարույթ նախաձեռնված չէ։ Նորության դեպքում՝ կտեղեկացնեն։

Թարմացված. Դեպքի առթիվ նախաձեռնվել է քրեական վարույթ՝ Քրեական օրենսգրքի 162-րդ հոդվածի 2-րդ մասի 6-րդ կետով (ինքնասպանության հասցնելը): Կատարվում է նախաքննություն: