Տեսանյութեր
Լուսանկարներ
Երևանի Մետրոպոլիտենի աշխատանքը մասամբ կանգնել է
Երևանի Մետրոպոլիտենի աշխատանքը մասամբ կանգնել է։ Քաղաքացիները լուսանկարներ են հրապարակում տարբեր կայարաններից, ուշադրությունը սևեռելով սպասելաժամանակին։
Մետրոն աշխատում է մի ուղղությամբ՝ սովորականից ավելի ուշ-ուշ։ Բազմաթիվ ուղևորներ կայարաններում սպասում են 20-ից ավել րոպե։
Երևանի Մետրոպոլիտենից տեղեկացնում են, որ հոսանքի տատանումների հետևանքով մետրոպոլիտենի բաց հատվածում առաջացել է տեխնիկական խափանում։
«Այս պահին մասնագետները տեղում իրականացնում են անհրաժեշտ աշխատանքներ՝ խնդիրը հնարավորինս արագ վերացնելու և երթևեկությունը լիարժեք վերականգնելու համար»,- նշված է հաղորդագրության մեջ։
Թարմացում 12:07
Երևանի Մետրոպոլիտենից տեղեկացնում են, որ առաջացած տեխնիկական խափանումը վերացվել է։
Այս պահին երթևեկությունը վերականգնված է և իրականացվում է բնականոն, երկկողմանի ռեժիմով ուղևորափոխադրում:
Մեկնաբանել