Բնապահպանության և ընդերքի տեսչական մարմինը հայտնում է, որ ՆԳՆ ոստիկանության պարեկային ծառայության Վայոց ձորի մարզի գումարտակից մարտի 25-ին, ժամը՝ 00։10-ի սահմաններում ստացվել է ահազանգ «OPEL» մակնիշի ավտոմեքենայի թափքում հայտնաբերված ապօրինի որսված կենդանի խեցգետնի վերաբերյալ։

«Տեսչական մարմնում հարուցված վարչական վարույթի շրջանակներում պարզվել է, որ Արմավիրի մարզի Ջանֆիդա գյուղի բնակիչ Գ.Հ.-ն Հերհերի ջրամբարից ապօրինի որսացել է 43 կգ խեցգետին։

Ապօրինի որսված կենդանի խեցգետնի ողջ խմբաքանակն առգրավվել է և բաց է թողնվել Հերհերի ջրամբար։ Իրավախախտը կենթարկվի վարչական պատասխանատվության»,- նշված է ԲԸՏՄ հաղորդագրության մեջ։

Լուսանկարը՝ ԲԸՏՄ-ի